Den Ettelbrécker Buergermeeschter huet selwer wärend der Informatiounsversammlung mat Soler SA den 9. Juli 2020 an der Däichhal zouginn, dass d’Konstruktioun vun der bis dato gréisster Wandmillen hei am Land zu der bis dato kierzter Distanz zu enger Uertschaft eng „Zoumuddung“ fir d’Awunner vu Bierden duerstellt.

Dofir froe mir eis, firwat den Här Schaaf bis elo net d’Reißleine gezunn an de Projet definitiv verworf huet. Et ënnerläit ëmmerhin senger Responsabilitéit den OK fir d’Wandmillen, déi op Ettelbrécker Terrain soll stoe kommenn, ze ginn.

Mir hoffen dowéinst weiderhin op de gesonde Mënscheverstand vum Ettelbrécker Buergermeeschter fir ee fir allemol dee Projet definitiv falen ze loossen !